Heildarlausnir

í frárennslislögnum, skólpviðgerðum, stíflulosun, lagnahreinsun, myndatöku og viðgerðum

Heimili

Þjónusta við heimili

Verkval ehf býður fjölþætta þjónustu fyrir heimili, húseigendur og húsfélög. Boðið er upp á hvers kyns stíflulosun innan- og utandyra. Einnig lagnahreinsun og hreinsun drenlagna ásamt rótaskurði.  

Ástandsskoðun og lagnamyndun

Verkval tekur að sér ástandsskoðun lagna með lagnamyndavél, en slíkt er ávallt rétt að gera áður en farið er í dýrar framkvæmdir svo sem að skipta um gólfefni eða stærri breytingar innandyra. Einnig færist í vöxt að framkvæma söluskoðun á lögnum húsa áður en til sölu kemur og getur seljandi fengið myndatökuna á USB lykli til eignar.

Rótaskurður

Í eldri hverfum þar sem frárennslið er úr steinrörum vill koma fyrir að rætur trjáa og runna leiti inn í lögnina og stífli hana. Hægt er að fræsa rætur úr steinrörum með rótarskera, en slíkt er þó ekki varanleg lausn. Í mörgum tilvikum er þó hægt að þræða plaströr inn í steinlögn og komast hjá því að skipta um allt frárennslið.

Skólpviðgerðir

Verkval tekur að sér viðgerðir og endurnýjun frárennslislagna innan dyra og utan. Fyrirtækið á gröfur af tveimur stærðum, vörubíl og önnur tæki til verksins og útvegar pípulagningameistara sem ábyrgist gæði verksins. Þurfi að saga stéttar þá annast Verkval það hvort sem um er að ræða steypu eða malbik. Sé bilun í lögn undir húsi getur þurft að saga í gólf innan dyra og oft er skipt um neysluvatnslagnir samhliða í slíkum tilvikum.

Húsfélög

Verkval ehf býður húsfélögum upp á sópun bílastæða og hreinsun niðurfalla og lagna. Niðurföll er gott að hreinsa á 3ja ára fresti, en oftar ef mikið er sandað að vetri. Drenlagnir þarf stundum að hreinsa, sérstaklega þar sem hús hafa verið byggð í mýrlendi.