Nýtt verkstæði er risið

24.11.23

Verkval tók í notkun nýtt 300 fermetra verkstæðishús í október. Nú er hægt að hýsa 3 dælubíla ásamt sópum og þeim tækjum sem þurfa upphitað húsaskjól. Verktakinn Húsheild/Hyrna annaðist verkið frá grunni með aðkomu annara og Íslenzkir rafverktakar hönnuðu rafkerfi og öryggiskerfi. 

Nýr dælubíll keyptur

29.01.24

Í dag kom til Akureyrar nýkeyptur dælubíll Verkvals, frá Noregi. Sjálfur bíllinn er af gerðinni Mercedes Benz 3253 fjögurra öxla, tveggja drifa, en búnaðurinn á honum er af gerðinni Kaiser Eur Mark sem er finnsk smíði og sérhönnuð fyrir veðurfar norðurslóða. Bíllinn er í alla staði mjög vel búinn og öflugur og vinnubúnaður hans er með því besta sem gerist á norðurlöndum í dag. Það er okkur sönn ánægja að geta boðið viðskiptavinum okkar nýja og betri þjónustu í framtíðinni.

Nýr bíll í flotann

11.04.24

Í dag erum við að bæta við flota okkar enn einum rotþróabíl. Í vetur höfum við unnið hörðum höndum að því að flytja 14 ára gamlan rotþróabúnað yfir á splukunýja Scaniu R560, tveggja drifa bíl með öllum bestu þægindum dagsins í dag. 

Nýr bíll

maí 2025

Sumarið 2025 kom frá Noregi nýr bíll í flotann. Bíllinn er Scania R520 en búnaðurinn Eur Mark líkt og síðasti bíll. Þessi bíll er kærkomin viðbót, þar sem hann er tiltölulega léttur og lipur, en hefur flesta eiginleika stærri bíls sem kom vorið 2024.

Samningur við Rangárþing

02.06.26

Í lok maí 2026 gerði Verkval ehf samning við Rangárþing Ytri og Eystri um tæminga rotþróa til 3ja ára með vilyrði um 2ja ára framlengingu. Verkefnið hófst mánudaginn 1. júní 26 með tæmingum í Rangárþingi Ytra og hefur gengið samkvæmt áætlun og í góðri samvinnu við sveitarfélögin.

Lagnamyndun og innmælingar

18.06.26

Verkval ehf hefur um árabil annast lagnamyndun fyrir sveitarfélög og hefur nú aukið þjónustuna með GPS innmælingum lagna, brunna og niðurfalla auk þess að skila innmælingum á kortasjár sveitarfélaga í gegn um GIS hugbúnað og lagnagreiningu.