Stíflulosun
Verkval ehf annast hverskyns stíflulosanir fyrir heimili og fyrirtæki. Vaskastíflur, niðurföll, klósett og heilu frárennslin. Minni stíflur nást oftast með gormi innanfrá, en erfiðari og stærri stíflur krefjas oft dælubíla. Æskilegast er að komast í brunn á lóð ef hann er til staðar og þá má hreinsa lögnina inn undir hús og út í götu. Eftir hreinsun er tilvalið að ástandsskoða lagnir með
lagnamyndavél til að sjá hvort allt er í lagi. Í eldri húsum er oft farið að bera á skemmdum í lögnum og jafnvel hafa rætur komist inn í lagnir á lóð.
Hringið í síma 892-3762 fyrir aðstoð. Sólarhringsþjónusta.
Lagnamyndavélar
Verkval ehf á lagnamyndavélar af mörgum stærðum sem hæfa stórum og smáum verkefnum.
Lagnamyndun er lykilatriði í ástandsskoðun eldri lagna og þannig má staðsetja skemmdir nákvæmlega og spara þannig stórfé í greftri og vinnu. Algengt er að eldri hús séu ástandsskoðuð fyrir sölu til að fyrirbyggja eftirmála.
Fyrir veitustofnanir og sveitarfélög bjóðum við upp á nákvæma ástandsskoðun með sérhæfðri myndavél og staðsetningarbúnaði. Vélin mælir þvermál lagnar og lengd og skilar skýrslu um ástand lagnar ásamt fjölda og staðsetningu greina. Hægt er að mæla inn nákvæmar staðsetningar og skila beint á GIS kort.
Rotþróahreinsun
Verkval ehf hefur um árabil þjónustað fjölmörg
sveitarfélög víðsvegar um landið þegar kemur að rotþróatæmingum. Notaðir eru sérhæfðir skiljubílar sem skilja fastefnið frá og skila vatni aftur í þróna. Við leggjum okkur fram um fagmennsku og persónulega þjónustu með viðskiptavininn í fyrirrúmi.
Staðkunnátta og þekking er okkar keppikefli og við leggjum okkur fram um að bjóða íslenskumælandi starfsmenn með þjónustulund sem leyst geta vandamál og ráðlagt því fólki sem við þjónustum. Rotþróabílarnir geta losað minni stíflur og hreinsað brunna ef á þarf að halda, en eru ekki búnir myndavélum.
Dælubílar
Verkval ehf gerir út 5 dælubíla sem sinna mismunandi verkum. Þrír þessara bíla eru öflugir holræsabílar af bestu gerð sem sinna holræsahreinsun og hreinsun niðurfalla ásamt stíflulosun, gatnaþvotti og öðrum stærri verkum.
Til viðbótar eru 2 skiljubílar sem geta sinnt sömu verkefnum eftir atvikum. Skiljubílarnir eru ætlaðir til að hreinsa rotþrær, en eru búnir háþrýstidælum og geta sinnt stíflulosunum og dæluvinnu með þeirri undantekningu að geta ekki sogið möl eða harðari efni. Allir bílarnir geta annast rotþróatæmingar og flutning á svartvatni ásamt tæmingum á fitugildrum.
Steypusögun og kjarnaborun
Verkval hefur langa reynslu af hvers kyns steypusögun og kjarnaborun og hefur meðal annars unnið mikið fyrir Sjúkrahúsið á Akureyri þar sem miklar kröfur eru gerðar um hreinlæti, snyrtimennsku og vönduð vinnubrögð. Verkval hefur einnig mikla reynslu af því að saga stéttar og malbik utanhúss og getur boðið húseigendum og húsfélögum heildarlausn í tengslum við fráveitur húsa og blokka.
Gatnahreinsun
Einn af dælubílum okkar er búinn þvottabúnaði til hreinsunar á gangstéttum, götum og stærri bílaplönum. Sandur sem borinn er á bílastæði og götur að vetri molnar niður og verður að svifryki að sumri. Því er mikilvægt að þrífa svifryk og fjarlægja það, en svo er ekki úr vegi að hreinsa niðurföll í leiðinni. Hverskyns þrif og niðurfallahreinsun er okkar fag, en tæmum einnig sandgildrur, olíugildrur og fituskiljur.
Götu- og gangstéttasópun
Verkval tekur að sér sópun á hvers kyns stéttum og bílaplönum fyrir húsfélög og fyrirtæki. Fyrirtækið á nú tvo götusópa sem sópað geta stærri bílastæði, bæði við fjöleignahús og fyrirtæki, auk annara opinna svæða. Að auki eigum við þrjá minni sópa sem henta á lítil plön, stéttar og gangstíga. Við leysum hverskonar sópun, hreinsun og þvott. Gerum verðtilboð ef óskað er.
Svifrykslækkun
Svifryk er vaxandi vandamál með aukinni umferð og hraða. Verkval ehf tekst á við svifrykið með ýmsum leiðum. Við höfum sópað götur Akureyrar í fimm ár í samvinnu við bæjarfélagið. Auk þess getum við þvegið götur og hreinsað þannig mikið magn af ryki og skít af malbikinu, en þegar kemur að stærri hreinsunum í miðbæ Akureyrar og á bílaplönum fyrirtækja beytum við annari aðferð. Götur, umferðareyjar og plön eru þá þvegin af vandvirkni með miklu vatnsmagni og krafti sem fjarlægir allan sand og hvers kyns önnur óhreinindi. Eftir standa hreinar og fallegar götur sem eru bænum okkar til sóma.
Þvottur á bílaplönum og stéttum stendur hvers konar fyrirtækjum til boða.
Skólpviðgerðir
Verkval ehf hefur skipt um frárennsliskerfi frá fjölda einbýlis- og fjöleignahúsa á Akureyri undanfarin ár. Frárennslið er fyrst skoðað og metið með myndavélum og stundum er hægt að fóðra lagnir og lengja líftíma þeirra um áratugi, en oft er hreinlega komið að endurnýjun eftir 50+ ára notkun, sig í jörð og skemmdir. Verkval ehf hefur yfir að ráða tækjabúnaði og reyndum stafsmönnum sem geta tekið að sér heildarlausn stórra verka, svo sem við blokkir, raðhús og einbýli. Við vinnum verkið og útvegum allt efni sem til þarf. Gerum sundurliðuð verktilboð og stöndum við okkar hlut.
Snjómokstur og hálkuvarnir
